පාරිසරික බලපෑම් ඇගැයීම පිළබඳ මාර්ගෝපදේශන සම්පාදනය කිරීම

Details

Friday, 03 November 2023 04:44 අවසන් වර ට යාවත්කාල කළ දිනය

ව්‍යාපෘති යෝජකයින් ගේ සහ ව්‍යාපෘති අනුමත කරන ආයතනවල පහසුව තකා මධ්‍යම පරිසර අධිකාරිය විසින් මාර්ගෝපදේශන කිහිපයක් සම්පාදනය කර තිබේ. පහත දක්වා ඇති ප්‍රකාශන මධ්‍යම පරිසර අධිකාරිය වෙතින් ලබා ගත හැකි යි.

• පාරිසරික ගැටළු තක්සේරුකරණ ක්‍රියාවලිය ස්ථාපිත කිරීම සඳහා මාර්ගෝපදේශනය; අංක 1 - ව්‍යාපෘති අනුමත කරන ආයතන සඳහා පොදු උපදෙස්, 2006 : රු. 100.00

• පාරිසරික ගැටළු තක්සේරුකරණ ක්‍රියාවලිය ස්ථාපිත කිරීම සඳහා මාර්ගෝපදේශනය; අංක 2 - පාරිසරික සීමාවන් පවත්වා ගැනීම සඳහා පොදු උපදෙස්, 2003 : රු. 100.00

• ශ්‍රී ලංකාවේ මහා මාර්ග සහ දුම්රිය මාර්ග සංවර්ධනය සඳහා වන පාරිසරික උපදෙස්, 1997 : රු. 300.00

• කෘෂිකර්මාන්ත ක්ෂේත්‍රයේ ව්‍යාපෘති සඳහා වන පාරිසරික උපදෙස්, 1997 : රු. 300.00

• පාරිසරික බලපෑම් ඇගැයීම පිළබඳ සරල ප්‍රශ්න සහ පිළිතුරු, 2005 : රු. 30.00

පාරිසරික බලපෑම් ඇගැයීම ක්‍රියාත්මක කිරීම සහ අනුගතභාවය

Details

Monday, 04 May 2026 04:50 අවසන් වර ට යාවත්කාල කළ දිනය

පාරිසරික තත්ත්ව පිළිබඳ වන වැදගත්කම සංවර්ධන සැලසුම් තුළට ඇතුළත් කිරීම සඳහා පාරිසරික ගැටළු තක්සේරුකරණ ක්‍රියාවලිය ශ්‍රී ලංකාව තුළ මහත් කාර්ය භාරයක් සිදු කරයි.

පාරිසරික බලපෑම් ඇගැයීම යම් ව්‍යාපෘතියක් පරිසරයට බලපෑම් එල්ල කළ හැකි ආකාරය කල් තියා හඳුනා ගැනීමට උපකාර වේ. එසේම යම් ව්‍යාපෘතියකින් ඇති කෙරෙන අහිතකර බලපෑම් අවම කර ගැනීම මගින් දේශීය පරිසරයට හිතකර තත්ත්වයට එම ව්‍යාපෘතිය ගෙන ඒම ද මෙමගින් සිදු වේ. මෙය නිලධාරීන්ට තීරණ ගැනීම පහසු කරවන යාන්ත්‍රණයක් ලෙස ද ව්‍යාපෘතියේ නියැළෙන්නාගේ අරමුණු වඩා සාර්ථකව සාක්ෂාත් කර ගැනීමට උපකාර වන්නක් ලෙස ද වැදගත් වේ. එමනිසා පාරිසරික බලපෑම් ඇගැයීම ස්ථිරසාර සංවර්ධනය ට උපකාර වන ප්‍රධාන සැලසුම්කරණ ක්‍රමෝපායයක් වශයෙන් දැක්විය හැකි යි.

ජාතික පරිසර පනත සහ තවත් නීතීන් කිහිපයක් යටතේ පාරිසරික බලපෑම් ඇගැයීම ශ්‍රී ලංකාව තුළ සංවර්ධන ව්‍යාපෘතීන් සඳහා අනිවාර්ය අවශ්‍යතාවක් ලෙස නම් කර තිබේ.

• ශ්‍රී ලංකාව තුළ පාරිසරික බලපෑම් ඇගැයීම සඳහා වන නෛතික, ප්‍රතිපත්තිමය සහ ආයතනික රාමුව

• පාරිසරික බලපෑම් ඇගැයීම සඳහා වන ප්‍රවේශය

• පාරිසරික ගැටළු තක්සේරුකරණයේ පියවර

• ලේඛනගත ව්‍යාපෘති

• ව්‍යාපෘති අනුමත කරන ආයතන

• පාරිසරික බලපෑම් ඇගැයීම සඳහා මහජන සහභාගීත්වය/ උපදේශනය

• මූලික තොරතුරු ප්‍රශ්නාවලිය

• මධ්‍යම පරිසර අධිකාරියේ ලියාපදිංචි වී ඇති පාරිසරික බලපෑම් ඇගැයීම පිළිබඳ උපදේශකයින්ගේ ලැයිස්තුව

පාරිසරික බලපෑම් ඇගැයීම පිළිබඳ හඳුන්වාදීමේ වැඩ සටහන් ක්‍රියාත්මක කිරීම

Details

Friday, 03 November 2023 04:43 අවසන් වර ට යාවත්කාල කළ දිනය

පරිසර බලපෑම් ඇගැයීම් ඒකකය, පේරාදෙණිය විශ්ව විද්‍යාලයේ පරිසර අධ්‍යයන කේන්ද්‍රය හා සමගාමී ව, පාරිසරික බලපෑම් ඇගැයීම පිළිබඳ දින 10ක පාඨමාලාවක් හඳුන්වා දී තිබේ. මෙමගින් පාරිසරික ගැටළු තක්සේරුකරණයේ සියළු ක්ෂේත්‍රයන් ආවරණය කෙරේ. මීට අමතරව, පරිසර බලපෑම් ඇගැයීම් ඒකකය විසින් පාරිසරික බලපෑම් ඇගැයීම පිළිබඳ මූලික අවබෝධය ප්‍රචලිත කිරීම සඳහා කෙටි කාලීන පුහුණු පාඨමාලා ද පවත්වනු ලැබේ. පාරිසරික ගැටළු තක්සේරුකරණ යාන්ත්‍රණයෙහි නියැළි පුද්ගලයින්හට (රජය, පුද්ගලික අංශය, අධ්‍යයන අංශ සහ රාජ්‍ය නොවන අංශ) මෙම පාඨමාලා සඳහා ඇතුළත් විය හැකි යි. මෙම පාඨමාලා පිළිබඳ දැන්වීම් පුවත්පත් වලින් ප්‍රචාරය කරනු ලැබේ.