විමර්ශන ඒකකය

Details

2018 මාර්තු මාසයේ දී විමර්ශන ඒකකය පිහිටුවන ලද අතර එය අධ්‍යක්ෂ ජනරාල් යටතේ ක්‍රියාත්මක වේ. තහනම් පොලිතින් සම්බන්ධ රෙගුලාසි ක්‍රියාත්මක කිරීම සහ සභාපතිවරයාගේ සහ අධ්‍යක්ෂ ජනරාල්වරයාගේ උපදෙස් පරිදි තීරණාත්මක පාරිසරික ගැටළු පිළිබඳ විශේෂ විමර්ශන සිදු කිරීම මෙම ඒකකයේ කාරය භාරය වේ.  

විමර්ශන ඒකකයේ කාර්යයන්

•  a.   2017.09.01 දිනැති අංක 2034/34 සහ 2021.01.21 දිනැති අංක 2221/51 දරන ගැසට් නිවේදනය මගින් තහනම් භාණ්ඩ පිලිබඳව වැටලීම් සිදු කිරීම.
   
•  b.  මධ්‍යම පරිසර අධිකාරියේ පළාත් සහ දිස්ත්‍රික් කාර්යාල සම්බන්ධීකරණය කරමින් මුළු දිවයිනම ආවරණය වන පරිදි පොලිතින් වැටලීම් වැඩසටහන ක්‍රියාත්මක කිරීමට අවශ්‍ය සැලසුම් සකස් කිරීම, වැටලීම් ප්‍රගතිය ලබා ගැනීම, පසුවිපරම් කිරීම හා වැටලීම් පිලිබඳ දත්ත පද්ධතියක් පවත්වාගෙන යාම.
   
•  c.  ජාතික පාරිසරික පනත යටතේ පවතින නීතිමය ප්‍රතිපාදනවලට අනුව, මධ්‍යම පරිසර අධිකාරියට නීති විරෝධී ආහාර දවටන තොග අත් අඩංගුවට ගැනීමට හැකියාවක් නොමැති බැවින්, නීති විරෝධී ආහාර දවටන නිෂ්පාදන කර්මාන්ත සහ තොග අලෙවි කරන්නන් වැටලීම සඳහා පාරිභෝගික කටයුතු පිළිබද අධිකාරිය (CAA) සමඟ ඒකාබද්ධ වැටලීම් සැලසුම් කිරීම.
   
•  d.  නීති විරෝධී ආහාර දවටන නිෂ්පාදිත තොග අත්අඩංගුවට ගැනීම පාරිභෝගික කටයුතු පිළිබද අධිකාරි පනතේ ප්‍රතිපාදන යටතේ සිදු කර  වරදකරුවන්ට දඩ නියම කිරීමෙන් අනතුරුව මහේස්ත්‍රාත්වරයාගේ නියෝග අනුව එම භාණ්ඩ පරිසර හිතකාමී ලෙස බැහැර කිරීම.
   
•   e.  ජාතික පාරිසරික පනත යටතේ ප්‍රකාශිත අංක 2034/36 දරණ ගැසට් නිවේදනය අනුව පොලිතින් සහ ප්ලාස්ටික් විවෘතව පිළිස්සීම, පිළිස්සීමට ඉඩ දීම හෝ අවසර දීම තහනම් කරමින් නිකුත් කරන ලද රෙගුලාසි බලාත්මක කිරීම.

2.  මධ්‍යම පරිසර අධිකාරියේ සභාපති/අධ්‍යක්ෂ ජනරාල්ගේ උපදෙස් පරිදි තීරණාතමක පාරසරික ගැටළු විසදීම සඳහා විමර්ශන සිදු කර තාක්ෂණික අංශ වලට අවශ්‍ය සහය ලබාදීම.