රසායනික සහ උපද්‍රවකාරී අපද්‍රව්‍ය කළමනාකරණ ඒකකය

Details

ජාතික පරිසර පනත සහ වෙනත් පාරිසරික රෙගුලාසි ආශ්‍රය කර ගනිමින්, උපද්‍රවකාරී අපද්‍රව්‍ය කළමනාකරණය (උපලේඛනගත අපද්‍රව්‍ය  කළමනාකරණය), ඝන අපද්‍රව්‍ය කළමනාකරණය සහ රසායනික ද්‍රව්‍ය කළමනාකරණය සම්බන්ධ රෙගුලාසිමය තීන්දු සහ තීරණ ගැනීම සිදු කෙරෙනුයේ අපද්‍රව්‍ය කළමනාකරණ ඒකකය මගිනි.

අපද්‍රව්‍ය කළමනාකරණ ඒකකය මගින් මෙම කාර්යයන්ට අමතරව, පොදු මහජනතාව  දැනුම්වත් කිරීම සහ නිසි අධ්‍යාපනික සහාය ලබා දීම ද සිදු කෙරේ.

ඒකකයේ ප්‍රධාන කාර්යයන්

• උපලේඛනගත අපද්‍රව්‍ය කළමනාකරණය (උපද්‍රවකාරී අපද්‍රව්‍ය කළමනාකරණය) සඳහා බලපත්‍ර නිකුත් කිරීම

• දේශ සීමා අතර සිදු කෙරන උපද්‍රවකාරී අපද්‍රව්‍ය ප්‍රවාහනය (ආනයනය/අපනයනය/සංක්‍රමණය) සඳහා අනුමැතිය ලබා දීම.

• ඇතැම් රසායන ද්‍රව්‍ය හා රසායනික නිෂ්පාදන සඳහා අනුමැති ලිපි නිකුත් කිරීම.

• වරායෙන් ප්‍රතික්ෂේප කරන ලද අයිතමයන් සඳහා නිසි ලෙස බැහැර කිරීමට අවශ්‍ය පියවර ගැනීම සඳහා නිදහස් කිරීමේ ලිපි නිකුත් කිරීම.

• ඝන අපද්‍රව්‍ය කළමනාකරණ ව්‍යාපෘති සඳහා පාරිසරික නිර්දේශ ලබා දීම.

මෙම ඒකකය සමග සබැඳෙන අන්තර්ජාතික ගිවිසුම්

• දේශ සීමා අතර සිදු කෙරන උපද්‍රවකාරී අපද්‍රව්‍ය ප්‍රවාහනය සඳහා වන බාසල් සම්මුතිය ( www.basel.int)

• රොටර්ඩෑම් සම්මුතිය (www.pic.int)

• ස්ටොක්හෝම් සම්මුතිය (www.pops.int)